Media serbe: Lajçaku po synon postin e Sekretarit të Përgjithshëm të OSBE-së
Media serbe “Blic.rs” ka shkruar duke u thirrur në burime të veta diplomatike se Përfaqësuesi Special i Bashkimit Evropian për dialogun Kosovë-Serbi, Miroslav Lajçak, synon që të merr postin e Sekretarit të Përgjithshëm të OSBE-së.
“Lajçak aktualisht është duke ndërtuar një konsensus rreth pozitës së re, Sekretarit të Përgjithshëm të OSBE-së. Rusia ka disa kohë që bllokon miratimin e buxhetit dhe emërimet në OSBE dhe po e paralizon organizatën. Ndoshta rusët do ta pranojnë, sepse është student i ‘tyre’, studimet i ka mbaruar në Moskë. Ndoshta do të jetë një kompromis”, thotë një burim diplomatik i medias serbe.
