Mashtrimi kompjuterik: Prokuroria në Prishtinë njofton për sekuestrimin e disa veturave

Prokuroria Themelore në Prishtinë ka njoftuar se janë sekuestruar disa automjete pas hetimeve për veprën penale “mashtrimi kompjuterik”.

Në një komunikatë për media, prokuroria ka thënë:

“Prokuroria Themelore në Prishtinë, përkatësisht Departamenti i Përgjithshëm, njofton opinionin publik, se me urdhër të Prokurorit të Shtetit, janë sekuestruar nëntë (9) automjete të cilat dyshohen se janë përfituar përmes veprës penale ‘’Mashtrimi kompjuterik’’, sipas nenit 277/K, të Ligjit nr.08/L-188 për plotësimin dhe ndryshimin e Kodit nr 06/L-074 Penal të Republikës së Kosovës.

Automjetet e sekuestruara janë të markave të ndryshme, përkatësisht: Tre (3) vetura të tipit Seat Leon, dy (2) Volksëagen Polo, një (1) Golf 8, një (1) Audi A6, një (1) Volksëagen Jetta dhe një (1) Peugeot 2008 Allure.

Prokurori i Shtetit, ka lëshuar urdhër për ndalim të përkohshëm të kësaj pasurie, me qëllim sigurimin e saj deri në përfundim të procedurës penale”.