“Marrëveshje gjithpërfshirëse me njohje në qendër, ky është qëndrim i Maqedonisë së Veriut për dialogun Kosovë-Serbi”

Ministri i Punëve të Jashtme i Maqedonisë së Veriut, Bujar Osmani, ka thënë se Maqedonia e Veriut qëndron në atë që dialogu i fascilituar nga Bashkimi Evropian ndërmjet Kosovës dhe Serbisë të ketë “njohjen e ndërsjellë në qendër” dhe të jetë “gjithëpërfshirëse”.

“Inkurajojmë palët që të shfrytëzojnë këto momente të rëndësishme gjeopolitike që të avancojnë procesin e bisedimeve për arritjen e marrëveshjeve për shkak kohërat po ndryshojnë, dhe nuk mendoj se këto ndryshime shkojnë në favor të rajonit”, ka thënë Osmani për Kosovapress.