Marrëveshja Moskë-Beograd, Hoxhaj: Toleranca e BE-së tani ka kostot e saj

Deputeti i PDK-së, Enver Hoxhaj, i është përgjigjur me zemërim BE-së pas marrëveshjes së arritur nga Moska dhe Beogradi për një dokument të cilësuar si “plan konsultimi” për politikën e jashtme.

Hoxhaj në një përgjigje në rrjetin social Twitter tha se ka vite që i paralajmëron miqtë e tij evropianë për kërcënimet që besnikëria e Serbisë ndaj Rusisë paraqet për Ballkanin Perëndimor dhe BE.

“Për vite me radhë i kam paralajmëruar miqtë e mi në Evropë për rreziqet ndaj Ballkanit Perëndimor dhe BE-së nga rreshtimin e Serbisë me Rusinë, në vend të BE-së. Toleranca e BE-së tani ka kostot e saj. Serbia po mban anën me Rusinë për të luftuar Ukrainën dhe Kosovën duke nënshkruar protokolle me Kremlinin në mes të luftës. Koha për të vepruar!", shkroi Hoxhaj në Twitter.