Maqedonci për memorandumin Kosovë-Shqipëri-Kroaci, edhe Bullgaria mund të bëhet pjesë
Ministri i Mbrojtjes Ejup Maqedonci ka folur në lidhje me nënshkrimin e memorandumit ndërmjet Kosovës, Shqipërisë e Kroacisë, i cili ngjalli reagime të shumëta në Beograd. Maqedonci ndër të tjera tha se kjo marëveshje trilaterale lë derën hapur edhe për vende të tjera.
“Iniciativa për këtë marrëveshje u ngrit gjatë vizitës sime në Zagreb verën e kaluar, kur diskutova me ministrin Nanoshiq. Ne e konsideruam mundësinë e një bashkëpunimi trilateral duke përfshirë edhe Shqipërinë, por gjithmonë duke lënë të hapur derën për vendet e tjera të rajonit që ndajnë vlera të përbashkëta Euroatlantike”, tha Maqedonci.
Ai tha se kjo marrëveshje nuk synon të kërcënojë askënd, por të rrisë bashkëpunimin mes vendeve të rajonit që kanë interesa të përbashkëta në fushën e mbrojtjes dhe sigurisë.
Nuk është synim i kësaj marrëveshjeje që të kërcënojë askënd, por të forcojë bashkëpunimin rajonal mes vendeve që ndajnë të njëjtat vlera dhe interesa strategjike. Kjo është një nismë për stabilitet dhe siguri në Ballkanin Perëndimor”, u shpreh Maqedonci në emisionin CONTEXT në ATV.
Ministri konfirmoi se janë në kontakt me vende të tjera të NATO-s dhe se Bullgaria është një ndër shtetet që mund të bëhet pjesë e kësaj marrëveshjeje shumë shpejt.
“Ministrja Nushiq ka theksuar para nënshkrimit të marrëveshjes në Shqipëri se edhe Bullgaria mund të bëhet pjesë e kësaj iniciative në një të ardhme të afërt. Por ne mbetemi të hapur edhe për vende të tjera që duan të jenë pjesë e këtij bashkëpunimi”, tha Maqedonci.
