Lehtësohen pritjet në kufi: Në Merdarë deri në 25 minuta, në pikat e tjera deri në 5 minuta

Pritjet për të kaluar kufirin e Kosovës janë lehtësuar ndjeshëm në shumicën e pikave kufitare.

Sipas të dhënave më të fundit nga Qendra për Menaxhimin e Kufirit, pika kufitare me pritjen më të gjatë mbetet ajo në Merdarë, ku qytetarët presin deri në 25 minuta për të kaluar.

Në Jarinjë, pritjet janë më të shkurtra dhe variojnë nga 5 deri në 10 minuta. Ndërkohë, në shumicën e pikave të tjera kufitare, kalimi realizohet brenda një kohe prej deri në pesë minuta.