Lajmërohet shefi i stafit të Osmanit: Hej z.Stano, a do të dënoni edhe shkeljet e Serbisë?
Tashmë ndaj deklaratave të zëdhënësit të BE-së, Peter Stano, se Kosova ka shkelur marrëveshjen e Brukselit, ka reaguar edhe shefi i stafit të presidentes Vjosa Osmani, Blerim Vela.
Vela përmes një shkrimi në llogarinë e tij në Twitter, i është drejtuar Stanos fillimisht me fjalët: “Hej, z.Stano”.
“Hej z.Stano, a do të dënoni edhe emërimet e organeve ilegale të përkohshme komunale në Kosovë nga qeveria e Serbisë? Kjo është një shkelje e qartë e të gjitha marrëveshjeve të Brukselit pasi Serbia duhet të shpërbëjë të gjitha strukturat e saj ilegale në Kosovë.” – ka thënë ai.
Hey Mr Stano (@ExtSpoxEU) will you call out the appointments of illegal interim municipal bodies in Kosovo by Serbia’s government?
— Blerim Vela (@Blerim_Vela) May 4, 2023
This is a clear violation of all Brussels agreements as Serbia needs to disband all its illegal structures in 🇽🇰.
Or, you will just note this too? pic.twitter.com/l3ajGcPxIn
Tutje, Vela ka pyetur: “Apo do ta shënoni edhe këtë?”.
Ndryshe, në një konferencë për media, sot Stano ka deklaruar se vendimi për të shkarkuar ekipin menaxhues “shkel letrën e marrëveshjeve të dialogut”.
"Prandaj, vendimi për ta shpërbërë ekipin menaxhues i shkel letrën dhe frymën e marrëveshjes së dialogut dhe për çdo vendim për Ekipin Menaxhues duhet të ketë pajtim në kornizën e dialogut të lehtësuar nga Bashkimi Evropian.” – u shpreh ai.
