Lajçak i publikon fotografi me Kurtin e Vuçiqin: Po përgatitemi për nesër

Emisari i posaçëm i BE-së, Miroslav Lajçak ka zhvilluar takime sonte në Bruksel në mes ndërmjetësuesve të SHBA-së dhe BE-së me kryeministrin Albin Kurti dhe presidentin e Serbisë Aleksandar Vuçiq.

Pas këtyre takimeve, Miroslav Lajçak, ka publikuar fotografi me dy liderët, që do të takohen nesër kokë më kokë.

Në një shkrim në Tëitter, ai ka shkruar se po bëhen përgatitjet e fundit për nesër, për takimin mes Kurtit dhe Vuçiqit.

“Në prag të dialogut të nivelit të lartë në Bruksel, pata takime me kryeministrin e Kosovës Albin Kurti dhe presidentin e Serbisë Aleksandar Vuçiq, për t’u përgatitur për diskutimet e nesërme”, ka shkruar Lajçak.