Kurti u jep ‘leje’ ministrave të dalin më shpesh në debate: Albulena sot te Panduri
Përveç Kurtit, i cili paraqitjet televizive ne mediat vendore i ka skajshmërisht të rralla, daljet në debate televizive kanë qenë të reduktuara edhe nga ministrat e tij.
Megjithatë, duket se kjo qasje qeveritare është “zbutur” paksa, pasi që ministrja e Drejtësisë, Albulena Haxhiu sonte do të jetë e pranishme.
Haxhiu është e ftuar në “Debat Plus” të TV Dukagjinit. Përballë saj do të jenë gazetari nga kallxo.com Kreshin Gashi, gazetari i Dukagjinit Dibran Istrefi dhe analisti Imer Mushkolaj.
Qeveria Kurti në vazhdimësi është kritikuar edhe për qasjen e vrazhdë ndaj gazetarëve dhe mungesën e transparencës.
Në lidhje me reduktimin e daljeve publike të qeveritarëve shpesh ka reaguar edhe Asocacioni i Gazetarëve të Kosovës.
