Kurti telefonatë me Blinken: Folëm për marrëdhëniet Kosovë-Serbi, duhet të intensifikohet dialogu
Kryeministri i Kosovës, Albin Kurti ka konfirmuar se ka zhvilluar një bisedë telefonike me sekretarin amerikan, Antony Blinken.
Kurti përmes një shkrimi në Twitter, ka bërë të ditur se sekretarin Blinken e informoi për “progresin e vazhdueshëm” në Kosovë.
Had a very good phone conversation with @SecBlinken. I informed him about continuing progress in Kosova. We talked about the relations between Kosova and Serbia and the need to intensify the dialogue process towards a legally binding agreement centered on mutual recognition.
— Albin Kurti (@albinkurti) October 11, 2022
“Pata një bisedë shumë të mirë në telefon me sekretarin Blinken. E informova për progresin e vazhdueshëm në Kosovë”, ka shkruar Kurti.
Tutje, kryeministri i vendit ka bërë të ditur se kanë folur edhe rreth marrëdhënieve mes Kosovës e Serbisë dhe nevojën që të intensifikohet procesi i dialogut.
“Kemi folur për marrëdhëniet mes Kosovës dhe Serbisë dhe nevojën për të intensifikuar procesin e dialogut drejt një marrëveshjeve që ka njohjen reciproke në qendër”, ka thënë ai.
