Kurti takon kryetarin e KGjK-së, pajtohen për intensifikimin e bashkëpunimit rreth reformës në drejtësi
Kryeministri i Kosovës, Albin Kurti, sot ka pritur në takim Kryesuesin e Këshillit Gjyqësor të Kosovës, Albert Zogaj, me të cilin ka diskutuar për reformën në drejtësi.
Në komunikatën e Zyrës së Kryeministrit është bërë me dije se palët janë pajtuar për intensifikimin e bashkëpunimin.
“U dakorduan për intensifikimin e bashkëpunimit rreth reformës në drejtësi, si dhe çështjeve të tjera, të cilat kanë të bëjnë me forcimin e sundimit të ligjit. Në këtë takim, kryeministri Kurti ishte i shoqëruar nga ministrja e Drejtësisë, Albulena Haxhiu dhe zëvendësministri, Blerim Sallahu, ndërkaq nga Këshilli Gjyqësor i Kosovës, përveç kryesuesit, e pranishme ishte edhe anëtarja e KGjK-së, Drita Rexhaj”, është thënë në njoftimin e Qeverisë.
