Kurti takohet me Guvernatorin e BQK-së, flasin për zgjidhjen e çështjes së Kartonit të Gjelbër
Kryeministri i Kosovës, Albin Kurti, ka prituar në takim Guvernatorin e Bankës Qendrore të Kosovës, Ahmet Ismailin.
Sipas njoftimit të Zyrës së Kryeministrit, në këtë takim është diskutuar për shërbimet bankare si dhe për zgjidhjen e çështjes së Kartonit të Gjelbër për veturat.
Njoftimi i plotë:
Kryeministri i Republikës së Kosovës, Albin Kurti ka pritur sot paradite në takim Guvernatorin e Bankës Qendrore të Kosovës, Ahmet Ismailin. Ai fillimisht e uroi për detyrën e re dhe e falënderoi guvernatorin Ismaili për angazhimin e tij të deritanishëm në krye të BQK-së, teksa dhe i dha mbështetjen e tij institucionale për realizimin e përgjegjësive dhe misionit të Bankës Qendrore.
Guvernatori Ismaili e njoftoi kryeministrin Kurti mbi punën e BQK-së, planet dhe synimet.
Shërbimet bankare, digjitalizimi i tyre dhe rruga drejt zgjidhjes së çështjes së kamotshme të Kartonit të Gjelbër për automjete ishin disa prej temave që u diskutuan bashkë në takim.
