Kurti: Serbia synon territorin e të tjerëve, por pa të tjerët
Kryeministri i Kosovës, Albin Kurti ka thënë se Serbia nuk synon të imponojë mënyrën e vet të jetesës te të tjerët, por territorin e të tjerëve, pa prezencën e të tjerëve.
Këto deklarata Kurti i bëri në Seminarin e 102-të Rose-Roth i Asamblesë Parlamentare të NATO-s.
“Nuk jam i sigurt që Serbia synon të imponojë mënyrën e vet të jetesës te të tjerët, në të vërtetë ajo synon territorin e të tjerëve pa të tjerët, nuk kemi të bëjmë me mënyrën e jetesës me çështje kulturore ose fetare, kemi të bëjmë me ide tipike ekspansioniste të dominimit të këtij rajoni të Evropës, duke llogaritur në ndihmën nga Federata Ruse”, ka thënë Kurti.
Tutje Kurti ka shtuar se duhet të jemi vigjilent sepse lidhjet në mes të Beogradit dhe Kremlinit janë të shumëfishta, janë të thella dhe nga aspekti ekonomik e ushtarak të gjera dhe sipas tij nuk ka ndonjë dallim në mes të Millosheviqit në të kaluarën dhe Putinit sot, sipas tij kemi të bëjmë me autokraci.
