Kurti: Në opozitë kemi thënë “jo Zajednicës”, edhe sot i themi “jo Zajednicës”
Kryeministri i Kosovës, Albin Kurti, ka thënë se nuk e ka ndryshuar qëndrimin e tij që kishte në opozitë sa i përket Zajednicës.
Në një intervistë për Debat Plus të Dukagjinit, Kurti ka thënë se nuk do të ketë Zajednicë me marrëveshjen evropiane dhe se vazhdon të i qëndrojë parimit të tij opozitar.
“Ajo që është më e vlefshme, nuk e cenon mundësinë të ecim përpara. Mos kërkoni prej meje të flasim për mua në vitin 2013. Parimi jonë atëherë ka qenë “jo Zajendicës”, edhe sot jemi “jo Zajednicës’”, tha ai.
Tutje, kryeministri Kurti, ka thënë se deklaratat e tij që i kishte bërë në të kaluarën nuk mund të përdorën tani.
“Konsiderohen me nga një sekond larg njëra tjetrës. Nuk mund të coj veten tash në veten 2011 e ta lexoj këtë dokument sepse janë 13 vjet ndërmjet. Unë nuk mund të kthej kohën. A do të dëshiroja të jem kryeministër prej vitit 2011, besoj që do të ishte më mirë edhe për Kosovën, por tash jam kryeministër më 2023”, tha Kurti.
“Vullneti i popullit na ka sjellë këtu. Na kanë votuar për të qeverisur mirë”, shtoi ai.
