Kurti flet për "antikorrupsion", Kabashi: Edhe vetë Albin Kurti ka ikur nga Prokuroria si dëshmitar
Kandidati për deputet nga radhët e LDK-së, Festim Kabashi, ka reaguar ashpër ndaj ish-Qeverisë Kurti, duke akuzuar ish-kryeministrin dhe ish-ministrat e tij se po manipulojnë opinionin publik me pretendime për luftë kundër korrupsionit, ndërkohë që disa nga zyrtarët e ekzekutivit janë të përfshirë në procese hetimore ose gjyqësore.
Në deklaratën e tij, Kabashi përmend disa emra nga kabineti qeveritar dhe nga pozitat drejtuese të ndërmarrjeve publike, duke thënë se "nuk janë luftues të korrupsionit, por të dyshuar ose dëshmitarë në raste korruptive."
