Kurti i dënon sulmet ruse: Çdo shtet që kërkon bashkëpunim me Rusinë, është bashkëpunëtor në pasojat e saj
Kryeministri i Kosovës, Albin Kurti, u është bashkuar Shteteve të Bashkuara të Amerikës dhe Bashkimit Evropian në dënimin e sulmeve të Rusisë ndaj zonave civile në Ukrainë.
Në shkrimin e tij në Twitter, Kurti e ka "goditur" drejtpërdrejt edhe Serbinë, duke thënë se cilido shtet që kërkon bashkëpunim me Rusinë, është i përshirë në pasoja.
“U bashkohem ShBA-së, BE-së dhe aleatëve tanë të tjerë në dënimin e sulmeve britale të Rusisë ndaj zonave civile në mbarë Ukrainën. Sot, bota demoraktike duhet të flasë me një zë: Cilido shtet që kërkon bashkëpunim me Rusinë në mesin e kësaj lufte të tmerrshme, është i përfshirë në pasojat e saj”, ka shkruar Kurti.
Kujtojmë se Rusia të hënën ka kryer sulme hakmarrëse ndaj Ukrainës, pas shpërthimit në urën që e lidh Rusinë me Krimenë.
I join the U.S., EU, and our other allies in condemning Russia's brutal strikes on civilian areas across Ukraine. Today, the democratic world must speak with one voice: Any state that seeks cooperation w/ Russia in the midst of this horrific war is complicit in its consequences.
— Albin Kurti (@albinkurti) October 11, 2022
