Kolonat e gjata të kamionëve me mallra serbe në Merdare "imazhe problematike", thotë Sarrazini
Imazhet që vinë nga pikëkalimi kufitar në Merdare “janë problematike”, ka thënë emisari gjerman për rajonin, Manuel Sarrazin.
Kjo referuar vëllimit të madh të kamioneve dhe mauneve që u nënshtrohet kontrolleve të rrepta dhe kolonave të gjata.
"Kontrolli manual i mallrave për arsye sigurie gjatë hyrjes në Kosovë nuk është ilegale, as kontrolli fitosanitar nuk është i paligjshëm në Serbi. Megjithatë, pamjet që vijnë nga Merdare janë problematike dhe dëshiroj që kamionët e mallrave të lëvizin sa më shpejt", ka thënë Sarrazin për “Radio KiM”.
