Çollaku: Nëntori i dytë që ish-udhëheqësit e UÇK-së i gjen padrejtësisht në burg
Bekim Çollaku ish-këshilltari i Hashim Thaçiq, ka thënë se ky është nëntori i dytë që udhëheqësit e UÇK-së i gjen padrejtësisht në burg.
Ai ka thënë se të mjera dhe të dështuara do të mbesin përpjekjet për të kriminalizuar UÇK-në dhe luftën e saj.
“Historia botërore nuk na ka mësuar se ndonjë popull ose ndonjë shtet e ka fituar lirinë dhe është krijuar si rezultat i të ashtuquajturës "ndermarrje e përbashkët kriminale".”, ka shkruar ai ndër të tjera.
Shkrimi i plotë:
Nëntori i Dytë, 110 vjetori i Pavarësisë së Shqipërisë, i gjen padrejtësisht në burg udhëheqësit e UÇK-së dhe themeluesit e shtetit të Kosovës.
Historia botërore nuk na ka mësuar se ndonjë popull ose ndonjë shtet e ka fituar lirinë dhe është krijuar si rezultat i të ashtuquajturës "ndermarrje e përbashkët kriminale".
Kosova nuk përbën përjashtim nga kjo e vertetë historike. Prandaj, të mjera dhe të dështuara do të mbesin përpjekjet për ta kriminalizuar UÇK-në, luftën e saj të drejtë për liri dhe pavarësi të Kosovës.
Urime 28 Nëntori, Dita e Flamurit kombëtar!
