Këshilltari special i DASH-it i kërkoi Kurtit shtyrjen e gjobave për targat
Këshilltari special në Departmentin Amerikan të Shtetit, Derek Chollet, ka treguar se kryeministrit Albin Kurti i ka kërkuar shtyrjen e vendimit për gjobitjen për tragat.
Chollet në Twitter ka thënë se me Kurtin ka biseduar edhe për kthimin e serbëve në institucionet e Kosovës dhe për dialogun.
“Ka biseduar me kryeministrin e Kosovës, Albin Kurti për shmangien e përshkallëzimit të mëtejshëm: shtyrja e gjobave të targave, mbajtja e derës së hapur për kthimin e serbëve të Kosovës në institucione dhe fokusimi në dialogun për normalizim me Serbinë, rruga më e mirë për avancimin e integrimit evropian dhe euroatlantik të Kosovës”, ka shkruar Chollet.
Në anën tjetëe, kryeministri Kurti në një shkrim në Twitter, ka thënë se me zyrtarin amerikan kanë biseduar për nevojën e arritjes së marrëveshjes me Serbinë, me qendër në njohjen reciproke.
“Bisedë e sinqertë dhe e rëndësishme telefonike me nënsekretarin e shtetit Derek Chollet për domosdoshmërinë e një marrëveshjeje të plotë të normalizimit me Serbinë në qendër të njohjes reciproke, me fokus situatën e sigurisë në Kosovë së bashku me sundimin e ligjit”, ka shkruar të premten Kurti.
Spoke with Kosovo PM @albinkurti on avoiding further escalation: postpone license plate penalties, keep the door open to Kosovan Serbs’ return to institutions, and focus on normalization Dialogue with Serbia = best path to advance Kosovo’s European & Euro-Atlantic integration.
— Derek Chollet (@CounselorDOS) November 19, 2022
