Kalon në parim ligji për sigurimin e detyrueshëm të kujdesit shëndetësor
Me 65 vota për, në Kuvendin e Kosovës është miratuar në parim Projektligji për Sigurimin e detyrueshëm të kujdesit shëndetësor.
Në lidhje me këtë projektligj, ministri Arben Vitia tha:
“Është një hap i rëndësishëm drejt sigurimit të një sistemi shëndetësor të qëndrueshëm dhe të përballueshëm për të gjithë qytetarët. Me sigurimin e detyrueshëm çdo qytetar do të ketë qasje të barabartë në shërbimet bazë shëndetësore, duke reduktuar ndjeshëm barrën financiare individuale dhe duke garantuar trajtim të barabartë për të gjithë”.
