Joseph: Të gjithëve që u angazhuan me Janusz Bugajskin për çështjet e Ballkanit do t’u mungojë mendja dhe zëri i tij
Analisti i njohur amerikan dhe eksperti i çështjeve të Ballkanit, Janusz Bugajski, ka ndërruar jetë, ndërsa figura të shumta nga fusha akademike dhe politike kanë shprehur ngushëllimet e tyre.
Ndër ta, Edward Joseph, ligjërues në Universitetin Johns Hopkins në SHBA, u shpreh thellësisht i prekur nga lajmi i ndarjes nga jeta të Bugajskit. Ai tregoi se e mori vesh lajmin e trishtë gjatë qëndrimit të tij në Poloni.
“Veçanërisht prekëse që mësoj për ndarjen nga jeta të Janusz Bugajskit ndërsa jam këtu në Poloni. Të gjithëve atyre që u angazhuan me Januszin për çështjet e Ballkanit do t’i mungojnë mendja e tij depërtuese dhe zëri i tij i konfident. Jam shumë i trishtuar që e dëgjoj këtë lajm. Ngushëllime Margaritës dhe familjes Bugajski”, shkroi Joseph në platformën X.
Particularly poignant that I learn of the passing of Janusz Bugajski while here in Poland. All those who engaged with Jansuz on Balkans matters will miss his penetrating mind and confident voice. I am very sad to hear this news. Condolences to Margarita & the Bugajski family.
— Edward P. Joseph (@edwardpjoseph) October 18, 2025
Bugajski ka qenë një nga zërat më të njohur në analizat mbi zhvillimet politike në Ballkan, duke kontribuar për dekada në debatin publik dhe politik në rajon.
