Jasharaj: Nuk takohem më me Kurtin pa praninë e mediave

Kryetari i SBAShK-ut, Rrahman Jasharaj ka thënë se nuk do të zhvillojë takime më me Kryeministrin e Republikës së Kosovës, Albin Kurti, pa praninë e medieve.

Jasharaj tha në Kanal 10 se kjo është për faktin se në takimin e fundit, sipas tij, Kurti nuk u tregua serioz për të gjete zgjidhje,

“Asnjë takim më nuk do ta bëjmë me qeverinë pa qenë të pranishme mediet, sepse këtë takimin e vetëm dhe të fundit që e kishim, kryeministri në vend që të angazhohet seriozisht dhe t’i çajmë hallet bashkë. Ai doli me ironi dhe sarkazëm dhe humor të keq u ndalë tek fjala vëllezër. Tani e tutje do të kemi takime vetëm kur të jenë mediet, dhe do të shihet se cilat palë janë të angazhuar, e cila po bënë humor e satirë me këtë situatë”, ka thënë Jasharaj.