Ish-anëtarja e Bordit të RTK-së tallet keq: Nëse Nexhmedin Spahiu bëhet drejtor, "Nëntori i dytë" do të ndalohet në RTK
Ish-anëtarja e Bordit të RTK-së, Aferdita Maliqi, është tallur me Nexhmedin Spahiu, i cili ka kandiduar për drejtor të Përgjithshëm të RTK-së.
Ajo ka bërë me dije se nëse Spahiu bëhet drejtor, në RTK më nuk do të shfaqet filmi "Nëntori i dytë", të cilin RTK-ja e jep çdo 28 Nëntor.
“Veç një gjë e di, që me ba m'u ba drejtor i RTK, Nexhmedin Spahiu, filmin "Nëntori i dytë", ka me ndalu”, ka shkruar Maliqi.
Gazeta Nacionale ka mësuar se emrat që ia kanë mësyrë pozitës së Drejtorit të Përgjithshem të RTK-së. Këta emra janë Nexhmedin Spahiu, Lorik Arifaj dhe Naser Thaçi.
Lorik Arifaj, i cili ka punuar në këtë televizion prej vitesh, më herët ka qenë edhe zëvendësdrejtor i Përgjithshëm të RTK-së.
Edhe Naser Thaçi punon në televizionin publik. Më herët ai e ka qenë redaktor përgjegjës në RTK 4.
Kurse, Nexhmedin Spahiu, është analist politik i afërt me partinë në pushtet.
Më herët, Spahiu ka qenë edhe kandidat i AKR-së për kryetar të Mitrovicës.
Po ashtu, Sapahiu është edhe pronar i televizionit lokal “TV Mitrovica”.
