Hoti numëron “gënjeshtrat” e pushtetit të VV-së

Avdullah Hoti i Lidhjes Demokratike të Kosovës ka dalë me një përmbledhje të, siç thotë ai, “gënjeshtrave” të pushtetit aktual të Vetëvendosjes.

Hoti dha kontranarracionin e Vetëvendosjes, e cila në fushatë zgjedhore pretendon rritje të madhe ekonomike dhe të mirëqenies.

Postimi i plotë:

Çudi me këta njerëz se si i shtrembërojnë shifrat.

Gënjejnë pa u skuqur dhe kërkojnë debat për tu përballur me gënjeshtrat e tyre.

Shifrat janë të qarta:

• Shpenzimet e jetës për çdo familje janë dyfishuar.

• Pagat as për së afërmi nuk janë rritur aq sa janë rritur çmimet e produkteve bazike.

• Tri herë është rritur çmimi i energjisë elektrike.

• Importi i mallrave është dyfishuar.

• Investimet publike kanë dështuar.

• Qindra miliona euro nga buxheti janë shpenzuar përmes tenderëve njëburimorë.

• Sigurime shëndetësore nuk ka dhe miliona euro të familjeve tona derdhen në Shkup, Turqi e gjithandej nëpër Evropën.

• Të njëjtat libra të nxënësve në këtë qeveri blihen dy herë më shtrenjtë.

• Pagat e stafit mësimdhënës në të gjitha nivelet janë përgjysmuar në vlerë reale.

• Disa ministra e zyrtarë janë me aktakuzë për abuzime e keqpërdorime.

• SHBA-ja ka ndërprerë dialogun strategjik e BE-ja ka vendosur masa tash e dy vite.

• Me Shqipërinë nuk mbahen mbledhjet e përbashkëta të Qeverive.

• Mijëra të rinj e profesionistë kanë lëshuar vendin në mungesë të mundësive dhe shpresës për të ndërtuar jetën.