Hedhja e gazit lotsjellës, ndërpritet seanca ndaj deputetit Pal Lekaj

Është ndërprerë seanca gjyqësore ndaj deputetit të AAK-së, Pal Lekaj, i cili dyshohet për hedhje ta gazit lotsjellës në Kuvend në vitin 2015.

Avokati i Lekajt, Musa Damati, ka treguar se kjo ka ndodhur sepse ende nuk janë pajisur me shkresa të lëndës nga Prokuroria, raporton “Betimi për Drejtësi”.

Gjykatësja e rastit, Edita Çanta, e ka ndërprerë seancën duke e shtyrë atë për datë tjetër.

Ajo ka kërkuar nga prokurori i rastit që palën mbrojtëse ta pajisë me të gjitha shkresat e lëndës.

Lekaj ngarkohet me veprën penale “Përdorim i armës apo mjetit të rrezikshëm”.

Sipas aktakuzës, Lekaj në nëntor të vitit 2015 me qëllim të pengimit të punës së deputetëve në hollë të Kuvendit kishte hedhur gaz lotsjellës.