Haxhiu: Në Institutin e Mjekësisë Ligjore ka shumë sfida, punojnë persona që nuk ia duan të mirën shtetit
Ministrja e Drejtësisë, Albulena Haxhiu ka thënë se ka sfida për menaxhimin e Institutit të Mjekësisë Ligjore (IML).
Haxhiu për RTV Dukagjinin ka thënë se ka persona brenda IML-së që nuk ia duan të mirën këtij institucioni dhe se punojnë për interesa personale.
“Për IML ende ka sfidë, kemi pasur probleme të mëdha, me persona që nuk ia duan të mirën shtetit, institutit as MD-së, kanë interesa personale, nuk do të lëshohem në emra të përveçëm. IML e di për çka mendoj, për të gjithë ata për secilin prej tyre, ka zyrtar që bëjnë përpjekje maksimale, do ta vlerësojë U. D-në edhe përkundër faktit që kemi pasur gjendje të rëndë në zhdukjen e provave të Astrit Deharit, djegien e objektit, ai ka marrë përsipër ta drejtoj, dhe po bën përpjekje maksimale.” – ka thënë ministrja e Drejtësisë.
Ajo tutje ka theskuar se ka kërkuar krijimin e një komisioni hetimor për zhvillimet në IML dhe për zhdukjen e mostrave të Astrit Deharit.
“Unë kam dhënë të krijojmë komision hetimor, sepse prokuroria nuk na ka treguar kush janë ata tre persona, ne e dimë kush i ka pasur çelësat, por kush është emri i personit që i zhduku mostrat… Duke qenë që prokuroria nuk po e bën punënë si duhet, duhet të krijohet një komision hetimor.” – ka thënë Haxhiu.
