Haradinaj rithekson bindjen se Kosova mund të anëtarësohet në NATO përmes një procesi të përshpejtuar

Kreu i AAK-së, Ramush Haradinaj ka ritheksuar bindjen se Kosova mund të anëtarohet në NATO me hapa të shpejtë.

Gjatë një interviste të tij në DPT te Fidani, Haradinaj theksoi se kjo rrugë e drejtpërdrejtë e anëtarësimit paraqet një zgjidhje gjithëpërfshirëse për çështjet kombëtare të Kosovës.

”Edhe zgjidhen problemet, edhe në veri edhe në jug e kudo. Nuk kthehet më rendi e ligji mbrapa. Kam marrë shpresë, që në rast të ndryshimeve në Kosovë, mund të rikthejmë një marrëdhënie kontraktuale së pari me Washingtonin por edhe me Brukselin. Që nënkupton planin aksional të anëtarësimit, pra, jo rreth e rrotull dyjes, pra, anëtarësim dirket”, tha ai mes tjerash.