Haradinaj: Nëse nuk paraqitet një shumicë e re para presidentes, zgjedhjet janë të pashmangshme
Lideri i AAK-së, Ramush Haradinaj, beson se zgjedhjet e reja janë të pashmangshme.
Ai ka vlerësuar së nëse sot nuk paraqitet një shumicë e re para presidentes, e para e vendit ka vetëm një opsion.
“Pas dështimit të mandatarit dhe të qeverisë të propozuar nga ai me votë, tani opsionale është një shumicë e re, nëse nuk paraqitet kjo shumicë e re te presidentja, ku asnjëri nuk e ka shumicën, atëherë presidentes i mbetet si opsion i vetëm shpallja e zgjedhjeve”, ka deklaruar Haradinaj.
Ai ka thënë se AAK-ja është e gatshme edhe për zgjedhje të reja.
“Do të thotë janë të pashmangshme kësaj here, gjithçka duhet ta bëjmë më të mirën, po jemi të gatshëm”, është shprehur Haradinaj.
