Haliti: Ndoshta gjithmonë kanë pasur të drejtë Feraj, Hoxha, Bojkeni, Dejona, Dimali, Mefi dhe Ramabaja
Analisiti i politikës, Afrim Haliti ka thënë se për temat në Kosovë nuk mund të ketë dy realitete politike teksa thotë se vetëm një mund të jetë e vërtetë.
Ai ka renditur disa nga qëndrimet e ndërkombëtarëve dhe qëndrimeve të kryemnistrit, Albin Kurti dhe të vartësve të pushtetit që sipas tij njëra nga këto dy realitetet është e vërteta.
Shkrimi i tij i plotë:
Në lidhje me Kosovën mund t’mos ketë të drejtë Escobari. Mund t’mos ketë të drejtë as Cholleti. Mund t’mos ketë të drejtë fare administrata e Bidenit.
Mund t’mos ketë pasur të drejtë as Grenelli. Pra mund t’mos ketë pasur të drejtë as administrata e Trumpit me aso marrëveshje të kota.
Mund t’mos ketë pasur të drejtë as administrata e Obamës që mundësoi shndërrimin e FSK-së në ushtri apo gjatë së cilës Kosova pat fituar 58 njohje të reja.
Mund t’mos ketë pasur të drejtë as administrata e Bushit junior gjatë së cilës Kosova u shpall shtet i pavarur.
Mund t’mos ketë pasur të drejtë as administrata e Clintonit gjatë së cilës u organizua konferenca e Rambujesë, mosnënshkrimi i së cilës nga Serbia rezultoi nē bombardimin e saj të kryesuar nga SHBA-të e që mundësuan dhe ndihmuan çlirimin e Kosovës.
Mund t’mos ketë pasur të drejtë as administrata e Bushit senior i cili qysh herët, kur Kosova nuk ishte fare në agjendën ndërkombëtare, i vuri Jugoslllavisë/Serbisë vijat e kuqe në raport me Kosovën.
Sigurisht se ndoshta kemi gënjyer vetën dhe jemi mashtruar qe më shumë se 30 vjet duke besuar në përkrahjen e SHBA-ve dhe ja ku përfunduam tani me një shtet të çliruar e të pavarur! Krejt palidhje.
Ndoshta gjithmonë ka pasur të drejtë Elvis Hoxha!
Ndoshta gjithmonë ka pasur të drejtë Hysamedin Feraj!
Ndoshta gjithmonë kanë pasur të drejtë Sadri Ramabaja e këta analistat e Vetëvendosjes nëpër studio televizive!
Pastaj Bojkeni, Dejona, Dimali, Mefa….
Ndoshta gjithmonë ka pasur të drejtë Albin Kurti. Edhe për Rambujenë, edhe për Ahtisarin, edhe për pavarësinë e Kosovës, edhe për ushtrinë e Kosovës, edhe për demarkacionin, edhe për thikat mbi hartë, edhe për zajednicen, edhe për Astrit Deharin, edhe për SHBA-të, edhe për Oliver Ivanoviqin?!
Ndoshta nuk jemi tu e kuptu! Ndoshta jemi çmendur që nuk po jetojmë në realitetin e Albinit e shokëve dhe bashkpartiakëve të tij sepse vetëm këta e zotërojnë një ralitet krejt alternativ…
Nejse. Mendoni e reflektoni. Kqyrni ka po gjindemi si popull.
Një është e vërtetë.
Nuk ka dy realitete paralele.
