Gola me pyetje retorike: A ka mbetë ndonjë vlerë perëndimore mbi të cilën Serbia s’ka urinu?
Ardian Gola, deputet i VV-së, ka komentuar deklaratën teper të drejtpërdrejtë të ambasadorin të ShBA-së në Kosovë, Jeff Hovenier.
Madje, që në hyrje, Gola e ka shtruar një pyetje, që shumë i ngjan pyetjes retorike, pasi deputeti nga Gjakova i është përgjigjur pyetjes përmes dy paragrafëve.
Pyetja e Golës ishte relativisht e gjatë dhe përmbante edhe një “kërkim falje” për gjuhën.
“A mund te me tregoje kush se a ka mbete ndonje vlere perendimore, mbi te cilen nuk ka urinu (me falni per shprehjen!) deri me sot Serbia?!” – ka pyetur Gola.
Tutje, Gola ka “argumentuar” se Serbia ka shkelur të gjitha vlerat perëndimore, ndërsa Kosova po “vazhdon, pandalshëm, rrugëtimin drejt vlerave iluministe, mbi të cilat është ndërtuar Evropa e sotme”.
