Gjyqi në Hagë, Berisha: Kurrëkush nuk po shqetësohet për ta, padrejtësi e madhe
Deputeti i Aleancës për Ardhmërinë e Kosovës, Bekë Berisha, e quajti “padrejtësi të madhe” që autoritetet vendore s’po angazhohen për të akuzuarit në Hagë, ish-krerët e UÇK-së.
“Është një lajm i keq që nuk është aprovuar një kërkesë e mbrojtjes të pjesëtarëve të UÇK-së, edhe pasi u provua që krejt këto kanë qenë falsifikime, prapë se prapë mbetën në burg. Edhe shqetësimi më i madh është se kërkush nuk po shqetësohet, kërkush nuk po del me thënë se kjo është padrejtësi dhe kërkush nuk po bën kurgjë hiq”, tha ai në RTV21.
