Gjuajtje me armë në Klinë, vdes një person

Një person ka vdekur në Klinë pas plagëve nga arma e zjarrit.

Lajmi është konfirmuar nga zëdhënësi i policisë në Pejë, Fadil Gashi, i cili ka konfirmuar se një person është arrestuar në lidhje me rastin.

“Ngjarja ka ndodhur rreth orës 15:08, ndërsa, i plagosur është dërguar në emergjencën e Spitalit të Pejës, ku edhe ka ndërruar jetë. Në vend të ngjarjes është sekuestruar një armë, dhe tri gëzhoja, ndërsa është arrestuar një person”, deklaroi ai për Klan Kosova.