Gëzohet për marrëveshje Duda Balje: Reciprocitetin do ta përdorja në të gjitha fushat e jetës

Deputetja e Kuvendit të Kosovës, Duda Balje ka reaguar pas marrëveshjes që u arrit sot mes Kosovës dhe Serbisë për dokumente.

Balje përmes një shkrimi në llogarinë e saj në Facebook, ka thënë se “ky reciprocitet nuk është aspak i keq”.

“Ky reciprocitet nuk është aspak i keq, le të themi se do ta përdorja në të gjitha fushat e jetës, ndaj të gjithëve dhe tek të gjithë, si në jetë ashtu edhe në shtet!”, ka shkruar Balje.

Ndryshe, sot u arrit marrëveshje për reciprocitetin me dokumente, por jo edhe për targa.