Gërvalla takohet me kryeministrin e Andorrës, e fton që të vizitojë Kosovën në 25 vjetorin e çlirimit

Ministrja e Punëve të Jashtme të Kosovës, Donika Gërvalla ka pritur në takim kryeministrin e Andorrës, Xavier Espot Zamora.

Gërvalla ka bërë të ditur se kryeministrin e Andorrës e ka njoftuar për progresit në ekonomi, sundim të ligjit dhe rritjen e standarteve demokratike në vend.

“Poashtu e falënderova për mbështetjen e dhënë Kosovës për anëtarësimin e saj në Organizatën Ndërkombëtare të Frankofonisë dhe kërkova vazhdimin e mbështetjes edhe në procesin e anëtarësimit në Këshillin e Evropës, për të cilin mora mbështetjen të fuqishme.” – ka shkruar Gërvalla.

Ajo gjithashtu e ka ftuar kryeministrin Espot Zamora që të vizitojë Kosovës në 25 vjetorin e çlirimit.