Gërvalla pjesë e ceremonisë së Ditës Ndërkombëtare në Luksemburg

Ministrja e Punëve të Jashtme,Donika Gërvalla, përmes një postimi në faqen e saj zyrtare ka shkruar për vizitën e saj në Luksemburg, me ftesë së Dukës së Madh të Luksemburgut për shënim të Ditës Kombëtare dhe darkën e përbashkët të Ministrave të Jashtëm, të organizuar nga Zëvendëskryeministri dhe Ministri i punëve të Jashtme të Luksemburgut, Xavier Bettel.

“Në këtë ditë të shënuar për Luksemburgun, e urova Dukën e Madh dhe homologun tim Bettel për Ditën Kombëtare, duke theksuar miqësinë e fuqishme dhe raportet e mira mes Republikës së Kosovës dhe Luksemburgut, marrëdhëniet e ngushta të bazuara në respekt të ndërsjellë dhe bashkëpunim të frytshëm, duke konsoliduar lidhjet tona në fusha të ndryshme si dhe duke kontribuar në paqen dhe stabilitetin rajonal”, shkruan Gërvalla