Gërvalla: Kosova po sulmohet nga Rusia në mënyrë hibride pas mbështetjes me pajisje ushtarake për Ukrainën
Ministrja e Punëve të Jashtme dhe Diasporës, Donika Gërvalla, është ankuar se Rusia aktualisht po kryen një sulm hibrid ndaj Kosovës.
Përmes një postimi në rrjetin “X”, Gërvalla e ndërlidhi këtë pretendim me mbështetjen me pajisje ushtarake që Kosova po i ofron Ukrainës pas pushtimit të paprovokuar të Rusisë.
“Rusia po e sulmon Kosovën në një mënyrë hibride sot, pas njoftimit tonë për mbështetje me pajisje ushtarake për Ukrainën, në mbrojtjen e saj të justifikuar kundër agresionit gjenocidal rus. Ne e dimë nga gjenocidi i Serbisë ndaj Kosovës se vetëm mjetet ushtarake e ndalin gjenocidin”, ka shkruar Gërvalla.
Russia is attacking 🇽🇰 in a hybrid attack today, following our announcement of support in military equipment for Ukraine in its justified defense against Russian genocidal aggression. We know from Serbia's genocide against 🇽🇰 that only military means do halt genocide. 🇽🇰✌️🇺🇦 pic.twitter.com/DfSAzUMG2u
— Donika Gërvalla-Schwarz (@gervallaschwarz) May 7, 2024
