Escobar e Lajçak me plot të tjerë i shkojnë në takim Vjosa Osmanit
Përfaqësuesi special i BE-së për dialog, Miroslav Lajçak, dhe i dërguari i posaçëm të ShBA-ve për Ballkanin Perëndimor, Gabriel Escobar kanë arritur në presidencë, aty ku do të takohen me presidenten Vjosa Osmani.
Takimi i tyre ka nisur rreth orës 14:00.
Pas Osmanit, në orën 15:00, Escobar e Lajçak do të takohen me kryeministrin Kurti, ndërkaq në orën 16:00 do ta takojnë opozitën.
Kurti gjatë mbledhjes së Qeverisë ka folur për takimin në Bruksel, nga ku ka akuzuar palën serbe se u tregua destruktive.
Natyrisht, tema e diskutimit në takimin me Osmanin do të jetë pashmangshëm dialogu mes Kosovës dhe Serbisë, dy vendet që javëve të fundit janë përplasur me deklarata.
E gjithë kjo iniciativë euro-atlantike po vjen pas dështimit të arritjes së një marrëveshje në takimin e 18 gushtit, që erdhi për shkak të tensioneve të larta në veri të Kosovës.
