Dyshohet se i dashuri e shtyu drejt vetëvrasjes – Prindërit e Betina Ymerit organizojnë protestë në Mitrovicë - NACIONALE

Dyshohet se i dashuri e shtyu drejt vetëvrasjes – Prindërit e Betina Ymerit organizojnë protestë në Mitrovicë

1 javë më parë

nga NACIONALE

Me iniciativë të vet përindërve të Betina Ymerit, vaja e re nga Mitrovica e cila u vetëvra para pak ditësh, pranë Gjykatës Themelore në Mitrovicë, do të organizohet protestë me slloganin “Mos të ndodhë ma!”

Protesta do të mbahet me 16 shtator, në ora 12:00.

Njoftimi i protestës:

Përmes protestës ne iu bëjmë thirrje institucioneve gjegjëse që ta trajtojnë drejt dhe me prioritet rastin e Betinës dhe t’i jap ndëshkim meritor personit që e shtyri drejt vdekjes atë. Dhuna sistematike të cilën e ka përjetuar Betina është një nga realitetet me të frikshme të cilën e jetojnë shumë vajza e gra në Kosovë, dhunë kjo e cila ushqehet nga të gjitha institucionet publike e private që vazhdojnë ta normalizojnë dhe amnistojnë dhunën me bazë gjinore”, thuhet në postimin e organizatorëve në Facebook.

Përveç kërkesave tona drejt institucioneve publike, prindërit e të ndjerës duan ta kthejnë vëmendjen tek nevoja për mbrojtje dhe vëmendje ndaj vajzave të tyre. Përderisa jetojmë në një sistem të dhunshëm si ky i yni, është vendimtare që të angazhohemi më shumë për sigurinë e vajzave, në mënyrë që ato të mos ndihen të vetmuara dhe pa ndihmë kur ato janë viktima të dhunës”.

Ky sistem e kjo mendësi duhet të ndryshojë. Andaj, ne ngrihemi në këmbë të premtën për të kërkuar drejtësi për Betinën dhe siguri për të gjitha vajzat dhe gratë në Kosovë. Mos të dodhë më edhe një vetëvrasje, mos të tolerojmë më as edhe një kërcënim ndaj vajzave, mos të humbet as edhe një jetë më shumë”, theksojnë organizatorët e protestës, që po përkrahet nga aktivistë të shoqërisë civile në Mitrovicë.

Lajme të ngjashme