Dorëheqja e kryesisë së Guxo-s në Deçan u dha për shkak të “tradhtisë së pastër të VV-së ndaj Vjosa Osmanit”

E tërë kryesisa e partisë Guxo në Deçan ka dhënë dorëheqje.

Këtë e njoftoi Rabije Nezir Haklaj përmes një postimi në Facebook, një nga themelueset Guxo-s.

Ajo në arsyet e dorëheqjes kolektive shkroi kështu:

“Ajo që ndodhi këto ditë, neve si Degë e Partisë Guxo në Deçan, që, jo vetëm na indinjoi, por edhe na zhgënjeu pa masë, ishte një tradhëti e pastër nga partneri i koalicionit, i cili, ndonëse e shihte vullnetin masiv të qytetarëve falë punës së jashtëzakonshme të Presidentes Dr. Vjosa Osmani në përfaqësimin aq dinjitoz të qytetarëve dhe të Republikës sonë, veproi në mënyrë të papranueshme.”