“Dora e lënduar e Vuçiqit”: Dalipi tregon prapaskena se pse Serbia nuk e nënshkroi Marrëveshjen e Ohrit
Luan Dalipi, shef i Kabinetit të kryeministrit të Kosovës, Albin Kurti, ka shkruar një status në dy vazhdimë në rrjetin social X.
Në këto shkrime, Dalipi ka treguar edhe disa arsye se pse Serbia nuk e ka nënshkruar Marrëveshjen e Ohrit. Sipas Dalipit, Serbia në një moment pretendoi se dora e Aleksandar Vuçiqit, president i Serbisë, është lënduar.
Sipas z. Dalipit, Serbia po tallet me të gjithë.
“Serbia refuzoi në vazhdimësi të nënshkruajë marrëveshjen, duke përmendur arsye të ndryshme, përfshirë një lëndim të supozuar të dorës nga presidenti i Serbisë. Ai po tallet me të gjithë të përfshirët! Pavarësisht këtyre sfidave, Këshilli Evropian miratoi konkluzionet më 23 mars, duke përshëndetur marrëveshjen.” – shkroi ai ndër të tjera.
Serbia repeatedly refused to sign the agreement, citing various reasons, including a purported hand injury by Serbia's president. He’s mocking all involved! Despite these challenges, the European Council adopted conclusions on March 23, welcoming the agreement. 2/
— Luan Dalipi (@DalipiLuan) September 16, 2023
