Ditë e natë patrullime në veri, KFOR: Personeli mbetet vigjilent

Misioni paqeruajtës i NATO-s në Kosovë ka bërë publike disa fotografi të reja nga patrullimet e ushtarëve në veri.

Në njoftimin zyrtar, KFOR-i tha se patrullimet ditore dhe ato gjatë natës po zhvillohen rregullisht, si në veri ashtu edhe në zonat tjera nën përgjegjësi, me synimin për të garantuar siguri dhe qetësi për të gjithë qytetarët.

Njoftimi:

Ushtarët e misionit të udhëhequr nga NATO, KFOR, do të vazhdojnë patrullimet e tyre të rregullta gjatë ditës dhe natës, duke siguruar një prani të vazhdueshme, të qëndrueshme dhe qetësuese si në veri të Kosovës, ashtu edhe në të gjithë zonën e përgjegjësisë.

Personeli i KFOR-it mbetet vigjilent, duke mbajtur një pasqyrë dhe të përditësuar mbi situatën dhe duke nxitur stabilitetin në të gjithë rajonin. Këto veprime të përhershme pasqyrojnë përkushtimin e qëndrueshëm të KFOR-it për të kontribuar në një mjedis të sigurt dhe të qetë për të gjithë njerëzit që jetojnë në Kosovë.

KFOR-i vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qetë për të gjithë njerëzit që jetojnë në Kosovë dhe për lirinë e lëvizjes, në çdo kohë dhe paanshmërisht. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si përgjegjës për çështjet e sigurisë.