Dikush në Britani e fitoi në lotari jackpot-in prej 171 milionë funtesh

3 vjet më parë

nga NACIONALE

Një pronar i një bilete lotarie në Britani të Madhe ka fituar më shumë se 171 milionë funte në lotarinë “EuroMillions”, njoftoi operatori “Camelot”.

Numrat e biletës fituese të së premtes në “EuroMillions” ishin: 14, 15, 22, 35, 48. “Yjet me fat” ishin numrat: 3, 8.

Kjo shumë është për 24 milionë funte më pak se rekordi i lotarisë “EuroMillions”. Në korrik, një pronar anonim i një bilete fitoi 195 milionë funte.

Në tetor të vitit 2019, dikush fitoi mbi 170 milionë funte. Në korrik të vitit 2011, dy persona fituan 161.6 milionë funte.