Dhjetë të vdekur në sulmin me raketa në Golanin e pushtuar nga Izraeli

Dhjetë adoleshentë dhe të rinj janë vrarë dhe dhjetëra janë plagosur pas një sulmi që goditi një fushë futbolli në Lartësitë Golan të pushtuara nga Izraeli, sipas shërbimeve izraelite të emergjencës, raporton BBC News.

Forcat e Mbrojtjes së Izraelit (IDF) thanë se një raketë ra në zonën Majdal Shams.

Sulmi ishte më vdekjeprurësi në rajon që kur shkëmbimet ndërkufitare midis ushtrisë izraelite dhe Hezbollahut u përshkallëzuan kur filloi lufta Izrael-Hamas në tetor.

IDF fajësoi Hezbollahun për sulmin, por zëdhënësi i Hezbollahut Mohamad Afif mohoi "ndonjë lidhje me incidentin e Majdal Shams".

“Të gjitha akuzat [për përfshirjen e grupit] janë të rreme”.