Deputetja e LDK-së kritikon kryetarin e Gjilanit: Dil nga dalldia e fitores
Deputetja e LDK-së që vjen nga Gjilani, Valentina Bunjaku-Rexhepi, ka kritikuar kryetarin e kësaj komune, Alban Hysenin.
Bunjaku-Rexhepi ka shkruar në rrjete sociale se qeverisja e VV-së në Gjilan, është më e ngathta që nga paslufta.
POSTIMI:
Kryetar i Gjilanit, nisja seriozisht punën për qeverisjen e komunës. Ndërroje ekipin. Zbato premtimet e shumta, sepse je njëri ndër kryetarët e komunave, me më së shumti premtime në nivel vendi, me mbi 100 premtime. Mandati po të konsumohet.
Puno me deputetët e Anamoravës para miratimit të Buxhetit 2023, i caktojmë 5 projekte të mëdha kapitale e t'i shtyjmë përpara. Pavarësisht partive të ndryshme, unë jam e gatshme të adresoj projektet për Gjilanin dhe Anamoravën.
Mbi partinë, është Gjilani. Dil nga dalldia e fitores së ngushtë për pak vota. E ke fituar besimin e qytetarëve për të parin e Gjilanit dhe Kuvendin Komunal qytetarët ia besuan LDK-së për t'ju kontrolluar e monitoruar juve në pushtet.
Nga ajo që po ju vëzhgojmë si parti opozitare në Gjilan, si LDK, jeni qeverisja më e ngathtë që nga paslufta në Gjilan. Punoni e mendoni për të lënë ndonjë gjurmë!
Deri më tash jeni vetëm mbi gjurmët e ish-Kryetarit të Gjilanit me rikthim të shpejtë, sepse nuk po arrini të krijoni as një projekt të vetëm që lë shenja dalluese!
Për Gjilanin
