Defender 2025, ambasada amerikane: Mbi 960 trupa të FSK-së po stërviten përkrah forcave amerikane
Ambasada Amerikane ka vlerësuar lartë pjesëmarrjen e FSK-së në ushtrimin ushtarak Defender 2025.
Përmes një njoftimi për media, kjo ambasadë ka theksuar rolin në rritje të Kosovës në sigurinë rajonale dhe globale.
Sipas këtij njoftimi, “DEFENDER 25” tregon aftësinë e ushtrisë amerikane për t’u vendosur dhe për të vepruar me shpejtësi përkrah aleatëve në Evropë.
“Për herë të parë, Kosova po pret një seli në nivel divizioni, me 180 personel nga Divizioni i 28-të i Këmbësorisë, Garda Kombëtare e Ushtrisë së Pensilvanisë, që mbikëqyr katër brigada shumëkombëshe. DEFENDER 25 tregon aftësinë e Ushtrisë Amerikane për t’u vendosur dhe për të vepruar me shpejtësi përkrah Aleatëve nga Arktiku në Mesdhe dhe Detin e Zi, duke demonstruar angazhimin e SHBA-së ndaj NATO-s dhe fuqinë e partneritetit. Mbi 960 trupa të FSK-së po stërviten përkrah forcave amerikane dhe partnere në të gjithë Evropën, duke theksuar rolin në rritje të Kosovës në sigurinë rajonale dhe globale”, është thënë në njoftimin e ambasadës amerikane.
