Dalin pamjet: Prokurorët në Prizren takohen me të pandehurin e konsumojnë alkool në orar të punës
“Betimi për Drejtësi” ka publikuar pamje ku prokurorët në Prokurorinë Themelore në Prizren shihen duke pirë alkool në orar të punës.
Sipas mediumit, pamjet e datës nëntë korrik, tregojnë prokurorin Genc Nixha në orar duke konsumuar birrë.
“Nixha: Axha i madh që është në Prizren, baba i këtij arkitektit (nuk kuptohet), tash po shkon me apliku për më marrë.” – dëgjohet duke thënë ai.
Sipas mediumit, burime të ndryshme ka treguar se në lokalin “Portal” qëndrojnë prokurorë e gjykatës që konsumojnë alkool e takohet me të pandehur, me të cilët dyshohet se bëjnë pazare.
Gjatë qëndrimit në këtë lokal më nëntë korrik, Nixha është parë me Reshat Tahirin, i dënuar për “Lëndim të rëndë trupor”.
Pas disa minutave, u është bashkuar edhe prokurori Musli Gashi.
Të njëjtit, kanë konsumuar alkool.
“Prokurori Gashi: E shesin lopën e shesin shpijën e vijnë sheshit.
Prokurori Nixha: Njëri gabon.
Prokurori Gashi: E gabon. Qysh je?
I dënuari Reshat Tahiri: Mirë, po po nom krejt.
Prokurori Gashi: (nuk kuptohet) Genci është pozitiv, po kaniher kështu shpërthen.
I dënuari Reshat Tahiri: Gutet”.
