Clinton emocionohet me pritjen në Shqipëri: "Jam pa fjalë"

Ish-presidenti i Shteteve të Bashkuara, Bill Clinton e përshëndeti përzemërisht popullin shqiptar në një fjalim frymëzues dhe emocionues, ku shprehu mirënjohjen e tij për pritjen e organizuar nga kryeministri Edi Rama.

Clinton nuk mundi të fshehë emocionet e tij ndërsa u përpoq të gjejë fjalët e duhura për të përshkruar ndjenjat e tij. "Jam vërtetë pa fjalë," tha ai. "Dua t'ju falënderoj për një moment që do ta ruaj si thesar për gjithë jetën time."

Fokusi i fjalimit të tij ishte përkushtimi i tij i palëkundur për lirinë dhe forcën e popullit shqiptar. Ai theksoi se, edhe pse nuk është më në detyrën e presidentit, ai ndihet i privilegjuar që mund të flasë në emër të popullit amerikan për çështjet e rëndësishme si liria dhe të ardhmja e Shqipërisë.

"Ndjej se edhe pse jam qytetar privat, pa asnjë autoritet publik, mund të flas për këtë çështje në emër të popullit amerikan. Pavarësisht dallimeve tona, ne jemi të përkushtuar ndaj lirisë, forcës, integritetit dhe të ardhmes së Shqipërisë. Unë jam shumë mirënjohës për atë që tha kryeministri për Kosovën”, - tha ai