Çitaku u drejtohet deputetëve të VV-së: Po më vjen mirë që po flisni, bile gaz lotsjellës më s’po gjuani

Deputetja e PDK-së, Vlora Çitaku, u është drejtuar me disa fjalë kolegëve të saj nga Lëvizja Vetëvendosje, duke ua përmendur gazin lotsjellës.

Sipas saj, PDK-ja është krenare që ka qenë pjesë e shtetndërtimit.

“Po më vjen mirë që po flisni. Flisni! Edhe pse nuk po ia qëlloni, flisni! Bile gaz lotsjellës e gurë më nuk po gjuani” – tha Çitaku.

“PDK-ja është krenare me historinë e saj. Ju do të skuqeni nga trashëgimia politike e institucionale” – shtoi ajo.

“Edhe ushtrinë me të cilën po krenoheni ju, ne e kemi bërë” – tha më tej ish-ministrja e Integrimeve Evropiane.