Çitaku: Shpresoj që Kosova të mos ndëshkohet për aventurat politike të Kurtit
Nënkryetarja e PDK-së, Vlora Çitaku, ka thënë se Kosova në vitin 2024 në prag të përvjetorit të pavarësisë është nën sanksione.
Çitaku për Info Magazine të Klan Kosovës, tha se dëshiron që Kosova të kishte rezultate, e jo masa siç i ka të vendosura nga Bashkimi Evropian.
“Kosova në vitin 2024 në prag të përvjetorit të pavarësisë është nën sanksione, është në një listë me Rusinë dhe Bjellorusinë. Kosova nuk ka pranuar asnjë njohje, Kosova është e izoluar, këto nuk janë elemente që na bëjnë të ndihemi mirë, për dallim nga kryeministri unë pasaportë të dytë nuk kam. Mirëpo është e rëndësishme që të mos biem pre e populizmave që nuk do t’i sjellin askujt rezultat, e unë do të doja që Kosova të kishte rezultate”, tha Çitaku.
“E kemi një situatë tërësisht të panevojshme kriza të pafundme, shpresoj që Kosova të mos ndëshkohet për aventurat politike, aventureske, propagandistike të kryeministrit Albin Kurti, Kosova meriton më mirë”, ka thënë Çitaku.
