Çitaku: Qeveria për projekte të reja, gjysmën e parave i ka dhënë në komunat ku sundon
Nënkryetarja e Partisë Demokratike të Kosovës, Vlora Çitaku ka thënë se shumica e investimeve kapitale për buxhetin e Qeverisë Kurti janë për projekte të qeverive paraprake.
Ajo përmes një shkrimi në Facebook, ka thënë se për projekte të reja, gjysma e parave janë ndarë për komunat që udhëhiqen nga Lëvizja Vetëvendosje.
“Sipas raporteve kredibile, janë mu keto pak komuna ku transparenca dhe ekzekutimi i projekteve kapitale është më e ulta. Pra paratë e taksapaguesve po ndahen në baza partizane.” – ka shkruar ajo tutje.
Çitaku në fund ka thënë se këto janë fakte e raporte dhe se “çdo gjë tjetër është propagandë”.
Postimi i plotë:
Shumica e investimeve kapitale për buxhetin e planifikuar të kesaj qeverie janë për projekte të moçme, të qeverive paraprake.
Ndërsa te projektet e reja, gjysma e parave janë ndarë për ato pak komuna ku sundon Vetëvendosja.
Sipas raporteve kredibile, janë mu keto pak komuna ku transparenca dhe ekzekutimi i projekteve kapitale është më e ulta. Pra paratë e taksapaguesve po ndahen në baza partizane.
Këto janë fakte. Numra. Raporte. Çdo gjë tjetër është propagandë, e vetmja fushë ku qeveria po shkëlqen.
